“Bakı”nın gənc futbolçuları: “Lənkərana qələbə üçün gedirik”

“Xəzər Lənkəran” güclü oyunçulardan təşkil olunmuş komandadı. Bizim də gənclər və təcrübəlilərin vəhdətindən yaradılmış əzmkar kollektivimiz var”. Futbolxeber.az-ın məlumatına görə, bu sözləri “Bakı”nın üzvü Vüqar Bəybalayev deyib.

Klubun rəsmi saytına danışan gənc futbolçu “Xəzər Lənkəran”la matçın keçəcəyini qeyd edib: “Xəzər Lənkəran”la oyunun asan olmayacağını dərk edirik. Biz oraya yalnız və yalnız xal almaq üçün gedəcəyik. İnşallah qələbə qazanan tərəf biz olarıq”.

“Zolaqlılar”ın digər üzvü Tural Qürbətov isə qarşılaşmayla bağlı bunları deyib: “Bildiyiniz kimi iki həftədir ki, oyuna hazirlaşırıq, təlim-məşq toplanışındayıq. Ciddi hazırlaşmışıq. İnanıram ki, zəhmətimizin nəticəsini görəcəyik. Uşaqlarmız bu oyunu səbirsizliklə gözləyir. Rəqibi udmaq bizim üçün çox vacibdir. Qalib gəlməklə turnir cədvəlində bir neçə pillə irəliləyə bilərik. İnşallah bu tapşırığın öhdəsindən gələrik”.