Muntyanu: “Bu gün bəzi insanlar bizə mane oldu”

"Komandam çox yaxşı oynadı. Təəssüf ki, bu gün bəzi insanlar bizə mane oldu. Bunu mütəxəssislər gördü”. Futbolxeber.az-ın məlumatına görə, bu sözləri “Qarabağ”la oyundan sonra “Qəbələ”nin baş məşqçisi Dorinel Muntyanu deyib.

Rumın mütəxəssis müdafiədə xırda səhvlər etdiklərini bildirib: “Sözsüz, bütün bunlar bəhanə ola bilməz. İstənilən halda, hadisələr bizim üçün siqnal rolunu oynadı. Növbəti dəfə bunları nəzərə almalıyıq. Etiraf edim ki, müdafiədə xırda səhvlər oldu. Amma ümumi götürsək yaxşı oynadıq. “Qarabağ”la oyunu komanda ilə birgə təhlil edəcəyik”.