Arif Əsədov: “Araz Abdullayevlə bağlı ciddi tədbir görəcəyik”

“Oyundan öncə futbolçularla söhbət etmişdik. Oyuna yaxşı köklənməli idik. Çünki “Sumqayıt” ötən il “Neftçi”dən xeyli xal almışdı”. Futbolxeber.az-ın məlumatına görə, bu sözləri “Sumqayıt”la oyundan sonra “Neftçi”nin baş məşqçisi Arif Əsədov deyib.

Arif Əsədov Araz Abdullayevlə bağlı tədbir görəcəklərini bildirib: “Futbolçulara bildirmişdim ki, rəqibi saymaq lazımdır. “Sumqayıt” ikinci hissədə  təzyiqi artırdı. Amma biz dəyişikliklər edib,  matçı yenə nəzarətə götürdük. Flavinyo zədədən yeni qayıdıb.  Biz oyundan öncə də bilirdik ki, Flavinyo ancaq bir hissə oynayacaq. Araz Abdullayevin  əvəzlənməsinə etiraz etməsinə gəlincə, futbolda belə hallar olur. Amma biz məsələ ilə bağlı ciddi tədbir görəcəyik”.