“İnter”dən direktor dəyişikliyi xəbərinə rəsmi münasibət

“İnter” klubun direktoru postunda dəyişiklik olacağı barədə Futbolxeber.az saytında yer alan xəbərə rəsmi münasibət bildirib. Klubun mətbuat xidmətinin rəhbəri Səbuhi Məmmədov saytımıza açıqlamasında bunları deyib: “Natiq Məmmədov hələ ki “İnter”dən getməyib. Dünən də o, işə çıxıb. Hazırda Natiq bəy klubdadır. Amma “İnter” hər zaman dəyişikliklərə açıq olub. Yəni, hansısa dəyişikliyin olması da istisna deyil. Lakin yenə deyirəm ki, Natiq Məmmədov hal-hazırda “İnter”dədir”.

Xatırladaq ki, dünən axşam saatlarına saytımızda “İnter”də tezliklə dəyişiklik olacağı barədə xəbər yer alıb. Məlumatda qeyd olunur ki, hazırda “bankirlər”in direktoru postunu tutan Natiq Məmmədov tezliklə vəzifəsindən ayrılacaq. Onu bu postda avropalı mütəxəssis əvəzləyəcək.