Türkiyəli azarkeşlər azərbaycanlı qapıçını “dəli” adlandırdılar

Həmyerlimiz Elnar Kərimovun çıxış etdiyi Türkiyənin “Serhatardahanspor” klubu ölkə çempionatında növbəti oyununu keçirib. Bu haqda qolkiperin özü Futbolxeber.az saytına açıqlama verib: “Oynadığımız klub elə də güclü deyildi. Lakin bizimlə oyundan öncə heyətlərini gücləndirmişdilər. Əvvəlcə hesabda geri düşsək də, sonradan önə keçdik. Yekunda matç 2:2 hesabı ilə başa çatdı. Oyun başlayandan azarkeşlər məni fitə basır, hətta dəli adlandırırdılar. Amma sonra sakitləşdirlər.  Hətta sağ olsunlar ki, sonda alqışladılar da”.

Elnar Kərimov komandada yaxşı futbolçuların olduğunu vurğulayıb: “Mənə göstərilen inamı doğrutmağa çalışıram. İstəyirəm ki, burada formamı daha da yüksəldim. Komandamızda yaxşı futbolçular var. Xüsusən də Taha Hakkını qeyd edərdim. Məncə, o, Azərbaycanın istənilən klubunda rahat oynaya bilər”.