"Rəvan"ın heyətində itki

"Rəvan” mayın 4-də Topaz Premyer Liqasının 29-cu turu çərçivəsində "Sumqayıt”ın qonağı olacaq. Futbolxeber.az-ın məlumatına görə, komanda oyuna hazırlığı elə matçın keçiriləcəyi "Bayıl stadionu”nda davam etdirir. Gündə 1 dəfə olmaqla məşq edən komandada əsas diqqət toplu çalışmalara yönəldilir. Amma fiziki hazırlıq və qapıya zərbələr də yaddan çıxmır. Bu gün baş tutan hazırlıqda futbolçular "kvadrat” oynamaqla təzyiq altında topu özündə saxlamaq üzərində xüsusi çalışdı. Qeyd edək ki, məşqdə Nikolay Orlovskidən başqa, hamı fəal iştirak edirdi. Moldovalı müdafiəçi zədəlidər və fərdi qaydada məşq edir. Onun "Sumqayıt”la görüşdə iştirakı da sual altındadır.