"Xəzər Lənkəran"ın heyətində 3 itki

Topaz premyer liqasının 28-ci turu çərçivəsində AZALla keçirilən matçdan sonra bir günlük istirahətə buraxılan “Xəzər Lənkəran”, dünəndən etibarən məşqlərini bərpa edib. Futbolxeber.az-ın məlumatına görə, dünən axşam saatlarında bərpa məşqini keçirən komanda bu gün səhər əsas meydanda günün ilk məşqini keçirib. Bir saat davam edən məşqdə futbolçular məşqçilər korpusunun verdiyi taktiki çalışmaları yerinə yetirdilər. Axşam daha bir məşq prosesi keçəcək “Xəzər Lənkəran”, sabah oyun öncəsi son məşqinə çıxacaq. Xatırladaq ki, 29-cu tur çərçivəsində komandanın rəqibi Gəncənin “Kəpəz” klubudur. Hazırda “Xəzər Lənkəran”ın heyətində Adrian Skarlatake və Vanderson Skarduelli zədədən əziyyət çəkir. Digər müdafiəçi Elnur Allahverdiyev isə son turda qırmızı vərəqə aldığından komandaya kömək edə bilməyəcək.