Tyaqo və Stamenkoviçin cəzası bəllidi

Bu gün AFFA İntizam Komitəsinin nöövbəti iclası keçirilib. Futbolxeber.az-ın məlumatına görə, Azərbaycan Premyer Liqasının V turunun “Neftçi” - “Xəzər Lənkəran” oyununun 40-cı dəqiqəsində “Neftçi” klubunun 30 №-li futbolçusu Saşa Stamenkoviç sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.

Oyunun 90+3-cü dəqiqəsində “Xəzər Lənkəran” klubunun 5 №-li futbolçusu Tyaqo de Xesus idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.

“Simurq” - “Qəbələ” matçının 86-cı dəqiqəsində “Qəbələ” klubunun 12 №-li futbolçusu Aleksandru Benqa idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.