“Valletta”nın baş məşqçisi: “Azərbaycana gedəndə əziyyət çəkəcəyik”

Çempionlar Liqasının ikinci təsnifat mərhələsində “Qarabağ”ın rəqibi olan Maltanın “Valletta” klubunun baş məşqçisi Gilbert Agius UEFA-nın rəsmi saytına açıqlama verib. Futbolxeber.az-ın məlumatına görə, 40 yaşlı məşqçi Azərbaycana səfərin çətinliyindən gileylənib: “Qarabağ” bizim üçün çətin rəqibdir. Azərbaycan futbolunu izləyirəm. Bu, mənim borcumdu. Məşqçi kimi bütün komandalar haqda məlumatım olmalıdı. Deyərdim ki, Azərbaycanda idmanın bütün sahələri böyük investisiyalar sayəsində inkişaf edir. Həm də bizi uzun, yorucu səfər gözləyir. Azərbaycandakı cavab oyununa gedəndə əziyyət çəkəcəyik”.