“Neftçi” Gürcüstanda iki oyun keçirəcək

“Neftçi” PFK-nın əvəzedici heyəti yeni mövsümə hazırlıqlarını davam etdirir. Futbolxeber.az-ın klubun rəsmi saytına istinadən verdiyi məlumata görə, iyulun 10-dək Gürcüstanın Ureki şəhərində təlim-məşq toplanışında olacaq komanda hazırlıq çərçivəsində sabah ilk yoxlama oyununu keçirəcək. Rəqib Gürcüstan çempionatının birinci liqa təmsilçisi “Mertsxali” (Ozurqeti) olacaq. “Neftçi” təlim-məşq toplanışı zamanı daha bir yoxlama oyunu keçirməyi nəzərdə tutub.