"Simurq" yeni mövsümün hazırlıqlarına start verib

2014/15 ci il mövsümünün hazırlıqları üçün iyunun 26-da Sloveniyaya gedən “Simurq” çalışmaları davam etdirir. Futbolxeber.az-ın klubun rəsmi saytına istinadən verdiyi məlumata görə, artıq dünən “Simurq” ilk məşqinə çıxıb. Zaqatala təmsilçisi hazırlığın ilk mərhələsinə bu heyətlə start verib: Pavel Kapsa, Amil Ağacanov, Rəşad Əzizov, İlkin Qırtımov, İdan Vaitsman, Usim Nduka, Tural Axundov, Rüstəm Məmmədov, Məhərrəm Hüseynov. Murad Səttarlı, Benjamin Lambot, Patrik Osiako, Rəşad Eyyubov, Samir Zərgərov, Draqan Çeran.

Baş məşqçi Georgi Çixradze həmçinin əvəzedici heyətdən müdafiəçi Kənan Müslümov, yarımmüdafiəçilər Sahib Abbasov, Nicat Muxtarov, İlqar Hüseynov və hücumçu Oruc Balaşlını da əsas heyətə dəvət edərək, təlim-məşq toplanışı üçün Sloveniyaya gətirib.

 Mövsüm sonunda müqaviləsi başa çatan, lakin komandayla yeni saziş bağlamağa hazırlaşan xorvatiyalı yarımmüdafiəçi Stepan Polyak isə bu gündən düşərgəyə qoşulub.

Qeyd edək ki, əsasən fiziki gücün artırılmasından ibarət çalışmaları yerinə yetirən “Simurq”, Sloveniya hazırlığı çərçivəsində gündə iki dəfə olmaqla məşqləri davam etdirəcək. İyulun 13-də təlim-məşq toplanışını başa vuraraq ölkəyə qayıdacaq. İlk mərhələdə Georgi Çixradzenin yetirmələri üç yoxlama görüşü keçirdəcək. Qarşılaşmalar ayın 6, 9 və 12 keçiriləcək.