Ölkə futbolu
Klublarımızın avrokubok perspektivləri YAZI
Hazırda bütün dünyanın diqqəti Braziliyaya yönəlib. İyunun 12-də bu ölkədə sayca XX dünya çempionatı start götürəcək. Bu gün Azərbaycan millisinin mundialda iştirakı qeyri-real görünür. Elə bu səbəbdən də əksər azərbaycanlı futbolsevərlər xarici ölkələrdən hansısa birinin yığmasına azarkeşlik edirlər, dəstəklədiyi komandanın uğuru ilə təsəlli tapırlar. Amma həmin millinin qazandığı qələbənin gətirdiyi sevinc azərbaycanlı azarkeşi 100 faiz təmin edə bilməz. Odur ki, könlününü həqiqətən də Azərbaycan futboluna verənlər mundialdan daha çox növbəti avrokubok mövsümünü səzibrisliklə gözləyirlər. Hər il olduğu kimi, bu ildə qitə kubokları öncəsi ümidlərimiz böyükdür. “Neftçi”nin 2 il əvvəl Avroliqanın qrup mərhələsinə düşməsi, 3 dəfə qrup mərhələsinin bir addımlığında dayanan “Qarabağ”ın bu dəfə Çempionlar Liqasında mübarizə aparmaq gücündə olması hər birimizi ümidləndirib. Hamı bu dəfə klublarımızdan daha uğurlu nəticə gözləyir.
Avrokuboklara elə də çox vaxt qalmayıb. İyunun 23-də həm Çempionlar Liqasının, həm də Avroliqanın püşkü atılacaq və klublarımızın rəqibləri bəlli olacaq. İyulun 3-də isə Avroliqada ilk təsnifat mərhələsinə start veriləcək. “İnter” və “Qəbələ” mübarizəyə qoşulacaq. Ölkə kubokunun qalibi kimi “Neftçi” qitənin ikinci dərəcəli klub turnirində mübarizəyə ikinci mərhələdə, yəni iyulun 17-də başlayacaq. “Qarabağ” isə Çempionlar Liqasında mübarizəyə iyulun 15-i, ya da 16-da başlayacaq. Göründüyü kimi, vaxt elə də çox deyil. “Qarabağ” və “Neftçi”nin turnirə hazırlaşmaq üçün 1 aydan bir qədər artıq, “Qəbələ” və “İnter”in isə daha az vaxtı qalıb. Bəs, görəsən klublarımız qitə kuboklarına necə hazırlaşırlar?
“İNTER” HƏMİŞƏKİ KİMİ BİRİNCİDİ
Klublarımızdan ilk olaraq hazırlığa birinci “İnter” start verib. Son illər hazırlığa hamıdan başlayan “bankirlər” bu dəfə də ənənəsinə sadiq qalıb. Komanda artıq bir neçə gündür ki, Türkiyədə hazırlıq keçir. 10 günlük hazırlıq prosesindən sonra vətənə dönəcək Kaxaber Sxadadzenin komandası, daha sonra Avstriyaya üz tutacaq. Orada məqsəd daha çox yoxlama oyunları keçirməkdir. Hazırlıq prosesi baxımından “İnter”in işinə peşəkar dərəcədə yanaşdığını görmək mümkündür. Amma komanda transfer baxımından istədiyini hələ ki reallaşdıra bilmir. Belə ki, ötən mövsüm başa çatdıqdan sonra “İnter”i 8 futbolçu tərk edib. Elhad Nəziri, Flavio Bek, Samir Zərgərov, İvo Taborskinin gedişini faciəyə çevirmək və ya ciddi itki saymaq düzgün olmazdı. Amma Matiya Şpiçiç və Ruslan Əmircanovun gedişi “bankirlər” üçün böyük itkidir. Aleksandr İaşvili nadir hallarda komandaya xeyir verdiyi halda, kapitan Vaqif Cavadov “İnter”in “vuran ayağı” hesab olunurdu. Komandanın bombardiri olan Cavadov, Premyer Liqanın ən sərrast futbolçularının siyahısında da ikinci olmuşdu. Düzdür, Vaqif və İaşvilinin “İnter”də qalmaq ehtimalı da var. Amma bu məsələ hələ tam həllini tapmayıb. Futbolçuların komandanın hazırlığından kənarda qalması, sonradan düşərgəyə qoşulması avrokuboklarda öz sözünü deyəcək. Qitə kubokları öncəsi 4 aparıcı futbolçunun gedişi “İnter” üçün böyük itkidir. Bu futbolçuların yoxluğunu unutdurmaq heç də asan olmayacaq. Həmin futbolçuların yerinə yeni transferlər edilsə belə, onların komandaya uyğunlaşması üçün zaman lazım gələcək. “İnter” bu ana kimi 3 futbolçunu transfer edib. Amma hər kəsə bəllidir ki, “Sumqayıt”dan alınan Mirzağa Hüseynpur və Məhəmməd Mirzəbəyov bu gün “İnter”ə avrokuboklarda fayda verə bilməzlər. Onların keçidi daha çox Premyer Liqa üçün hesablanıb.
Göründüyü kimi, hazırlıq baxımından “İnter” işini yüksək səviyyədə görsə də, transferlər baxımından eyni sözü demək çətindir. Gedənlərin əvəzinə alınanlardan yalnız Elvin Məmmədov “İnter”ə Avroliqada faydalı ola bilər.
“QƏBƏLƏ”NİN DURUMU AĞIRDI
“İnter” kimi Avroliqada mübarizəyə birinci mərhələdən başlayacaq “Qəbələ”nin vəziyyəti daha acınacaqlıdır. Çünki əyalət təmsilçisi nəinki hazırlığa start verib, heç komandanın Avroliqaya kimin rəhbərliyi altında hazırlaşacağı da bəlli deyil. Ölkə kubokunun finalından sonra Yuri Syominlə yollarını ayırması komandaya böyük zərbə oldu. Təcrübəli mütəxəssisin gedişindən sonra klub rəhbərliyi yaxşı məşqçi tapa bilməyib. Vaxt isə dayanmır. İyulun 3-də Avroliqada ilk oyununa çıxacaq “Qəbələ” turnirə 25 gün qalmasına baxmayaraq, hələ də “yay yuxusu”ndadır. Baş məşqçi yoxdur, futbolçular isə bir-bir gedir. Omar Kalaban, Yannik Kamanan, Deyan Kelhar, Marat İzmaylov, Dieqo Koşta, Nikola Valentiç, Lorival Assis, Abdulvahid Afolabi, Davron Erqaşev, Elmar Baxşıyev, Amit Quluzadə bu günə kimi “Qəbələ”ni tərk edən futbolçulardı. Düzdür, onların hamısı heç də əsas heyət oyunçusu deyildi. Amma o da faktdır ki, heyətin bir qismi artıq yoxdur. Əvəzində komandaya yalnız Ruslan Əmircanov cəlb edilib. Yeni baş məşqçinin təyinatı, təlim-məşq toplanışı, heyətə yeni cəlb olunan futbolçular – bütün bunlar vaxt aparacaq. Üstəlik püşk zamanı “Qəbələ” aşağı reytinqli komandalar arasında qərarlaşacaq və özündən yüksək reytinqli, yəni daha güclü komandayla qarşılaşacaq. Bütün bunlar isə o deməkdir ki, “Qəbələ”nin Avroliqada işi çox çətindir və bu gedişlə komanda ilk dəfə qatıldığı avrokuboklarla elə ilk mərhələdəcə vidalaşa bilər.
“NEFTÇİ” DƏ HAZIRLIĞA BAŞLAYIB
“İnter” və “Qəbələ”dən fərqli olaraq ölkə kubokunun qalibi olduğu üçün “Neftçi” Avroliqada mübarizəyə ikinci mərhələdən başlayacaq. Qəribədir ki, mübarizəyə ilk mərhələdən başlayacaq “Qəbələ” nəyisə gözlədiyi halda, turnirə ikinci mərhələdən turnirə star verəcək “Neftçi” artıq 2 gündür məşqlərə başlayıb. “Neftçi” adına bu yaxşı haldır. “Ağ-qaralar” kubokun digər finalçısından fərqli olaraq işinə ciddi yanaşır. İyunun 12-nə kimi paytaxtda hazırlıq keçəcək “Neftçi”, daha sonra Türkiyəyə, ardından Avstriyaya yollanacaq.
Heyətə gəldikdə isə “Neftçi” hələlik Bahadır Nasimov və Mahir Şükürovla yollarını ayırıb. Əvəzində Julius Vobay icarədən geri dönüb, eləcə də braziliyalı Kaue Sesilio da Silva transfer olunub. Yəni, “Neftçi”nin durumu heç də pis deyil. Komanda hücumçu problemini də həll edə bilsə, 2 il əvvəl olduğu kimi yenidən avrokuboklarda azarkeşləri sevindirə bilər.
ƏSAS ÜMİDİMİZ - “QARABAĞ”
Tarixində ilk dəfə Çempionlar Liqasında mübarizə aparacaq “Qarabağ”a ümidlər böyükdür. Çoxları “Qarabağ”ın nəinki Avroliqada, hətta Çempionlar Liqasında qrupa düşə biləcək gücdə olduğunu hesab edir. Ağdam klubunun ölkə çempionatındakı inamlı oyunu azarkeşləri ümidləndirib.
“Qarabağ” hazırda istirahətdədir. Komanda qarşıdakı günlərdə Bakıda bir araya gələcək, daha sonra isə hazırlıq keçmək üçün Avstriyaya üz tutacaq. Yəni, hazırlıq baxımından “Qarabağ” heç bir problem yaşamayacaq.
Transferlərə gəldikdə isə, mövsüm başa çatdıqdan sonra ölkə çempionu cəmi 2 futbolçuyla vidalaşıb. Komandanı Jaba Dvali və Ulrix Kapolonqo tərk edib. Amma hər iki futbolçu əsas heyət üzvü deyil və onları Ağdam təmsilçisi üçün ciddi itki hesab etmək olmaz. Əvəzində “Qarabağ” heyətini bir futbolçuyla gücləndirib. Son olaraq Portuqaliyanın “Maritimu” klubunda çıxış edən Daniel Leandro Dias heyətə cəlb edilib. Bununla belə, yeni transferlərin olacağı şübhə doğurmur. Klubun direktoru Əmrah Çəlikəl də mətbuata verdiyi açıqlamada bir neçə futbolçuyla danışıqlar apardığını söyləyib. Baş məşqçi Qurban Qurbanov isə hər mövqeyə bir futbolçu cəlb etmək istədiyini bildirmişdi. Bu səbəbdən də “Qarabağ”ın ÇL-də mübarizəyə qoşulana kimi bir müdafiəçi və bir yarımmüdafiəçi ilə güclənəcəyini düşünmək olar. Lazımı transferlər edilsə, “Qarabağ” avrokuboklarda nəhayət qrup mərhələsində iştirakını reallaşdıra bilər
ŞAHİN, “Het-trik news”
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Hakimlər “kimə işləyir”? - Araşdırma
- Klublar Komitəsinin iclası keçirilib
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
-
22:21
"Şamaxı" "Zaqatala"ya qalib gəldi VİDEO
-
21:56
Millimiz Belarusa məğlub oldu
-
21:39
“Neftçi” mübarizəni dayandırdı
-
19:43
"Prezident Kuboku-2024": Azərbaycan avarçəkənləri günü 1 dəst medalla başa vurublar
-
19:12
"Qaradağ Lökbatan" 3 xalı 3 qolla qazandı VİDEO
-
18:27
“Qaradağ-Lökbatan” və “Şamaxı”dan qələbə
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"
-
16:13
Yüksək Liqada mövsüm başa çatdı
-
15:00
İlk dəfə kata üzrə Azərbaycan birinciliyi keçirilib
-
14:49
"Prezident Kuboku": Azərbaycan avarçəkəni qızıl medal qazandı
-
14:22
"Neftçi" “Qarabağ”la matçın hazırlığını davam etdirir FOTOLENT
-
14:15
Millimizin sabiq üzvü “Əl-İttihad”da
-
13:07
Türkiyə avarçəkəni: “Prezident Kuboku” turniri həyəcanlı və maraqlı keçir"
-
12:31
Aygül Abdullayeva Estoniyada ən yaxşı hakimi seçilib
-
12:12
"Səbail" "Qəbələ" ilə oyuna hazırlaşır FOTOLENT
-
11:58
Klublar Komitəsinin növbəti iclası keçirilib
-
11:26
Avarçəkmə üzrə "Prezident Kuboku”nda ikinci yarış gününə start verilib
-
11:03
Fərid Mansurov: "Prezident Kuboku-2024"də azarkeş qismində iştirak etmək qürurvericidir"
-
10:34
"Həm hücumda, həm də müdafiədə aqressiv oyun sərgilədik"
-
10:12
Azərbaycanın güləş milliləri Bakıda toplanış keçirlər
-
09:59
"Traktor" əzəli rəqibi ilə heç-heçə etdi
-
09:47
"Borussiya" PSJ-ni məğlub etdi VİDEO
-
09:30
Minifutbol millimiz beynəlxalq turnirin qalibi oldu
-
18:19
Abu Dosso: “Sumqayıt”ın potensialı avrokuboklarda oynamağa imkan verir”
-
17:58
Bakıda keçiriləcək bədii gimnastika üzrə Avropa Kubokunun mükafat fondu açıqlanıb
-
17:42
Azərbaycanlı nümayəndə ilk dəfə Avropa çempionatında
-
17:25
Şahin Bağırov Azərbaycan voleybol millisinin üzvləri ilə görüşüb
-
17:03
Azərbaycanı Bakıdakı Avropa Kubokunda təmsil edəcək gimnastlar müəyyənləşib
-
16:51
"Qusar" Ağdaşdan qələbə ilə qayıtdı VİDEO
-
16:37
“Prezident kuboku-2024” reqatasının birinci gününə yekun vuruldu
-
15:44
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
-
14:16
Premyer Liqamızda apreldə vurulan 5 ən gözəl qol VİDEO
-
14:08
AMADA təmiz idman təbliğatını Suqovuşanda davam etdirir
-
13:32
“Sərhədçi”nin baş məşqçisi: "Ümid edirəm ki, yaxşı oyunla qələbə qazanacağıq”
-
12:29
I Liqada hakim təyinatları açıqlandı
-
12:15
Prezident Kuboku-2024" reqatasının Füzulidə də keçirilməsi planlaşdırılır
-
11:53
Suqovuşanda “Prezident Kuboku-2024” reqatasının açılış mərasimi keçirilib
-
10:41
Millimiz Rumıniyaya uduzub, Bosniya və Herseqovinanı darmadağın edib
-
10:17
Ülviyyə Fətəliyeva: "Vətənimə qızıl medalla qayıtmaq qürurvericidir"
-
09:30
"Bavariya" - "Real" matçında 4 qol VİDEO
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb
-
17:55
Stolüstü tennis üzrə Azərbaycan birinciliyi keçiriləcək
-
16:31
Şəhriyar gerilədi, Teymur irəlilədi
-
16:17
Musa Qurbanlı: “Hamı mənə dəstəkdir”