Saşa Yunisoğlu: “İndi futbol yox, istirahət haqda düşünürəm”

“Hazırda istirahətdəyəm. Heç bir klubla danışıqlar aparmıram. Çünki indi futbol yox, istirahət haqda düşünürəm”. Bu sözləri Futbolxeber.az saytına açıqlamasında millimizin sabiq üzvü, bir müddət əvvəl Türkiyənin “Dənizlispor” klubundan ayrılan Saşa Yunisoğlu deyib.

S.Yunisoğlu indki durumda istirahət etsə də, fərdi şəkildə çalışmağı da unutmur: “Yox, futboldan bezməmişəm. Sadəcə olaraq, yorulduğum üçün indi istirahət edirəm. Evdə, ailəmin yanında dincəlirəm. Bununla belə, fərdi şəkildə hər gün məşq edirəm. Gündə 2-3 saat çalışıram”.

Gələcəklə bağlı isə Yunisoğlu bunları deyib: “Təklif var. Ad açıqlaya bilmərəm. Yalnız onu deyim ki, həm Türkiyə I liqasından, həm də yerli klublardan xidmətimdə maraqlı olanlar var. Yəqin ki, yeni klubumun adı avqsutda müəyyənləşəcək. Azad agent olduğum üçün tələsmirəm. Çempionat davam edərkən belə, istənilən kluba keçməyim mümkündür”.