Oğuz Çətin: “Qələbə qazanmaq bizim üçün çox vacibdir”

“Qalan oyunlarımızı ən yaxşı şəkildə oynamaq və qələbə qazanmaq bizim üçün çox vacibdir. “Rəvan”la oyunda olduğu kimi, bu gün də ilk hissədə, xüsusən də ilk 20-25 dəqiqə çox yaxşı oynadıq. Layiq olduğumuz nəticəni əldə etdik”. Futbolxeber.az-ın məlumatına görə, bu sözləri “Sumqayıt”la oyundan sonra “Xəzər Lənkəran”ın məşqçisi Oğuz Çətin deyib.

O.Çətin mövsümün son 2 oyununda da sərfəli nəticə qazanmağa səy göstərəcəklərini bildirib: “Hesab daha da böyük ola bilərdi. Amma mənim üçün vacib olan futbolçuların verilən tapşırığı yerinə yetirməsi, oyundan zövq alması və azarkeşlərə zövq yaşatmasıdır. Qarşıda iki oyunumuz var. “Simurq” və “Qarabağ”la oyunlarda da yaxşı oynayıb, mövsümü yaxşı yerdə bitirmək istəyirik”.