“İlk hissədə 5 real qol imkanından yararlana bilmədik”

“Çətin oyun oldu, ilk hissədə 5 real qol imkanından yararlana bilmədik”. Futbolxeber.az-ın məlumatına görə, bu sözləri “Simurq”la oyundan sonra “Rəvan”ın baş məşqçisi Güvənc Kurtar deyib. Türkiyəli mütəxəssis Premyer Liqada qalmaq üçün sona kimi mübarizə aparacaqlarını bildirib: “Simurq”un heyətində yaxşı futbolçular var. Sona qədər mübarizə apardılar. İkinci hissədə külək də sürətini artırdı, oynamaq daha da çətinləşdi. Amma qələbəni əldən vermədik. Premyer Liqadan düşüb-düşməyəcəyimizi hələ bilmirik. Sona qədər mübarizə aparacağıq. “Sumqayıt” da, “Rəvan” da çempionata lazımlı komandadı”.