Azərbaycan kuboku: 1/2 final mərhələsi rəqəmlərin gözü ilə

Bu həftə Azərbaycan kubokunda 1/2 final mərhələsinin ilk oyunları keçiriləcək. Futbolxeber.az-ın məlumatına görə, iki qarşılaşmadan ibarət olan mərhələ oyunlarındakı hər 2 cüt əvvəllər dəfələrlə bu yarışda üz-üzə gəlib. “Neftçi” ilə “Qarabağ” isə ümumiyyətlə ölkə kuboku tarixində ən çox qarşılaşan komandalardır. Peşəkar Futbol Liqasının rəsmi saytı qarşıdakı 1/2 finalda üz-üzə gələn cütlərin ölkə kuboku tarixindəki əvvəlki qarşılaşmalarının balansını təqdim edir.

17 aprel (çərşənbə)

Azərbaycan Kuboku, 1/2 final, ilk oyunlar

“Neftçi” - “Qarabağ” 
+4=4-7, top fərqi – 11:9

9-cu dəfə kubokda yolları kəsişən rəqiblərin duellərində 5 dəfə “Qarabağ”, 3 dəfə “Neftçi” mərhələ adlayıb. Bunların birində bakılılar yarışda mübarizəni davam etdirməkdən imtina etdiyi üçün “Qarabağ” mərhələnin qalibi sayılıb. İndiyədək yalnız bir dəfə onların dueli indiki kimi yarımfinala təsadüf edib. 7 il əvvəl mərhələni 1 qolla keçən ağdamlılar sonda kuboka yiyələnib.

* - texniki nəticələr top fərqində nəzərə alınmayıb.

** - final oyunları neytral meydanda keçirilib.

“Bakı” - “Xəzər Lənkəran” 
+4=1-2, top fərqi – 8:7

Kubokda 5-ci dəfə bir-birinə rəqib olan komandaların hərəsi 2 dəfə cütün qalibi olub. 2 il əvvəl də yarımfinalda baş tutan qarşılaşmaların qalibi “Xəzər Lənkəran” olmuşdu. Həmin vaxt cənublular mərhələni səfər qolu ilə keçmişdi.

** - final oyunları neytral meydanda keçirilib.