“Fənərbaxça” Tedeskonu istefaya göndərdi

“Fənərbaxça" baş məşqçi Domeniko Tedesko və idman direktoru Devin Özek ilə yollarını ayırıb.

Futbolxeber.az saytının məlumatına görə, bu barədə klubun yaydığı açıqlamada bildirilib.

Qeyd olunub ki, bu qərar Superliqanın 31-ci turunda “Qalatasaray”a 0:3 hesablı məğlubiyyətdən sonra qəbul olunub. Həmin nəticə ilə komanda çempionluq yarışında ciddi zərbə alıb.

Rəhbərlik həmçinin futbol koordinatoru Berke Çelebi ilə də vidalaşıb.

Mövsümün qalan üç oyununda komandanı köməkçi məşqçi Zeki Murat Göle meydana çıxaracaq.

Qeyd edək ki, 40 yaşlı Tedesko 2025-ci ilin sentyabrında İstanbul klubunun baş məşqçisi təyin edilmişdi.