“M.Y” “Çelsi” ilə razılığa gəldiyini rəsmən bəyan etdi, Mata rekord qırdı

“Mançester Yunayted” Xuan Matanın keçidi ilə bağlı “Çelsi” ilə razılığa gəldiyini rəsmən bəyan edib. Futbolxeber.az-ın məlumatına görə, transferin rəsmiləşməsi üçün ispan futbolçu tibbi müayinədən uğurla keçməlidir. Mataya görə “Mançester Yunayted” qarşı tərəfə 40 milyon funt-sterlinq ödəyəcək. Bu isə “qırmızı şeytanlar” üçün rekord göstəricidir. Buna qədər “Mançester Yunayted” daxili bazarda ən çox Dimitar Berbatova görə xərcə düşmüşdü. Bolqar forvard üçün komanda 2008-ci ildə “Tottenhem”ə 30,75 milyon funt ödəmişdi.

Xatırladaq ki, “Çelsi” Matanı 2011-ci ildə “Valensiya”dan 23,5 milyon funta transfer etmişdi.