“Yuventus” və “Çelsi”də oynamış hücumçu həmyerlimizin sabiq klubunda

Rumıniya futbolunun canlı əfsanəsi Adrian Mutu karyerasını vətənində davam etdirəcək. Futbolxeber.az-ın məlumatına görə, 35 yaşlı hücumçu “Petrolul”la anlaşıb. Mutu yeni klubu ilə 1,5 illik müqavilə imzalayıb.

Buna qədər Adrian Mutu Buxarest “Dinamo”su, “İnter”, “Verona”, “Parma”, “Yuventus”, “Fiorentina”, “Çezena” (hamısı İtaliya), “Çelsi” (İngiltərə) və “Ayaçço”da (Fransa) forma geyib.

Xatırladaq ki, ötən mövsüm “Petrolul”da forma geyən həmyerlimiz Elhad Nəziri bu komandanın heyətində Rumıniya kubokuna sahib çıxıb.