“Betis”in stadionu polis itlərinin ixtiyarına verilib

İspaniyanın “Betis” klubu yeni stadionun tikintisinə başlayıb.

Futbolxeber.az saytının xarici KİV-ə istinadən xəbər verir ki, “Benito Vilyamarin” adlanan köhnə arena sökülür, yaxınlıqda yenisi tikilir. Lakin yeni stadion da köhnənin adını daşıyacaq.

Bu arada, İspaniya hökuməti hazırda bərbad vəziyyətdə olan köhnə futbol stadionundan polis itlərinin məşq meydançası kimi istifadə etmək qərarına gəlib. İtlər dağıdıcı zəlzələ zamanı dağıntılar altında insanları axtarmaq üçün öyrədilirlər.

Hələlik “Betis” ev oyunlarını Qvadalkivir çayında bir adada yerləşən “Estadio de la Cartuja” stadionunda keçirir.

Xatırladaq ki, “Betis”in stadionu 1929-cu ildə inşa olunub. Azarkeş tutumuna görə İspaniyanın dördüncü arenası olan “Benito Vilyamarin” DÇ-1982-nin iki, Avro-1984-ün isə bir oyununa ev sahibliyi edib. İspaniyada millisi burada keçirdiyi 15 matçdan 13-də qalib gəlib, ikisində uduzub.