İsveçli yarımmüdafiəçi: “Qarabağ”la oyunun asan keçəcəyini gözləmirik”

“İnanıram ki, azarkeşlər stadiona gələrək, bizə dəstək olacaq və yaxşı oyun göstərməyimizə kömək edəcəklər”.

Futbolxeber.az-ın məlumatına görə, bu sözləri “Ferensvaroş”un futbolçusu Yonatan Levi UEFA Çempionlar Liqasının pley-off mərhələsində “Qarabağ”a qarşı keçirəcəkləri ilk oyundan öncə klubun saytına açıqlamasında deyib.

İsveçli yarımmüdafiəçi bugünkü qarşılaşmanı səbirsizliklə gözlədiyini bildirib: "Bu əyləncəli, eyni zamanda, çətin görüş olacaq. Sərfəli nəticə qazanmaq istəyirik. Amma güclü rəqiblə üz-üzə gələcəyik. Odur ki, asan oyun olacağını gözləmirik. Evdə keçirəcəyimiz ilk matçda yaxşı performans sərgiləmək istəyirik. Oyuna psixoloji cəhətdən tam hazır olmalıyıq. Cavab görüşü öncəsi qollar vurub, üstünlük əldə etmək əla olardı. Bunun üçün meydana çıxan hər bir futbolçu əlindən gələni etməlidir".

Qeyd edək ki, “Ferensvaroş”-“Qarabağ” oyunu Bakı vaxtı ilə saat 23:00-da başlayacaq. Cavab qarşılaşması avqustun 27-də Bakıda olacaq.