Sabiq “Qarabağ”lı dünya çempionatında qələbəyə sevindi

ABŞ-da keçirilən Klublararası dünya çempionatı davam edir.

Futbolxeber.az saytının məlumatına görə, D qrupunda Braziliya “Flamenqo”su mundialdakı ilk matçında Tunisin “Esperansa” klubunu 2:0 hesabı ilə məğlub edib.

“Flamenqo”da forma geyən “Qarabağ”ın sabiq hücumçusu Juninyo görüşü əvvəldən sona kimi ehtiyat oyunçular skamyasından izləyib.

Qeyd edək ki, hazırda qrupda “Çelsi” ilə birgə şərikli lider olan “Flamenqo” mundialdakı növbəti matçının elə London klubuna qarşı keçirəcək. Sözügedən qarşılaşma iyunun 20-də oynanılacaq.