“Mançester Yunayted” axtardığı qapıçını İtaliyada tapdı

Tezliklə əsas qapıçısı Andre Onana ilə vidalaşmağı planlaşdıran “Mançester Yunayted” ona əvəzləyici tapıb.

Futbolxeber.az saytının “Corriere della Sera”ya istinadən verdiyi məlumata görə, “Qırmızı şeytanlar” “Atalanta”nın qapıçısı Marko Karnesekkini heyətinə qatmaq istəyir.

İtaliya klubu 24 yaşlı qolkiperlə vidalaşmağa hazırdır. Lakin minimum 40 milyon avro qarşılığında. “Mançester Yunayted” Karnesekkini transfer etmək üçün mütləq Berqamo klubu ilə razılıq əldə etməlidir. Çünki qapıpıçının “Atalanta” ilə müqaviləsi 2028-ci ildə başa çatır.

Qeyd edək ki, Marko son mövsümdə “Atalanta”nın heyətində çıxdığı 44 matçdan 18-də qapısını toxunulmaz saxlayıb.