Ançelotti Modriçi Maldini ilə müqayisə etdi

“Real”ın baş məşqçisi Karlo Ançelotti komandasının üzvü Luka Modriç barədə danışıb.

Futbolxeber.az saytının “Marca”ya istinadən verdiyi məlumata görə, italiyalı mütəxəssis 39 yaşlı yarımmüdafiəçini “Milan”ın əfsanəsi Paolo Maldini ilə müqayisə edib:

“Modriç futbola hədiyyədir. Qoy nə qədər istəyirsə, o qədər də oynasın. Luka işini çox yaxşı görür. Bəxtimiz gətirib ki, heyətimizdə bu cür əfsanə var. Daha əvvəl 40 yaşlı futbolçum var idi - Paolo Maldini. Onları futbolçu necə olmalıdır deyə müqayisə etmək mümkündür. Həm Modriç, həm də Maldini heyrətamiz nümunədirlər. Təsadüfi deyil ki, 40 yaşda belə, yüksək səviyyədə oynayırlar. Genetika vacibdir, amma münasibət və peşəkarlıq da mühüm əhəmiyyət kəsb edir”.

Qeyd edək ki, 39 yaşlı Modriç fevralın 23-də “Jirona” ilə görüşdə (2:0) “Real”ın ilk qolunu vurub.

Ümumilikdə isə xorvatiyalı yarımmüdafiəçi cari mövsüm bütün turnirlərdə 39 matçda 4 qol vurub, 6 məhsuldar ötürmə müəllifi olub.