"Neftçi"nin müdafiəçisi həftənin simvolik komandasında

Seneqal mətbuatı xaricdə çıxış edən yerli futbolçulardan ibarət həftənin simvolik komandasını bir araya gətirib.

Futbolxeber.az saytının məlumatına görə, rəmzi komandada “Neftçi”nin müdafiəçisi Mustafa Sek də yer alıb.

“Wiwsport” portalı “ağ-qaralar”ın müdafiəçisi barədə bunları yazıb:

“Ötən yaydan Azərbaycanda çıxış edən Mustafa Sek Portuqaliyada dörd mübahisəli ildən sonra yenidən futboldan tam həzz almağa başlayıb. 29 yaşlı müdafiəçi “Neftçi”nin heyətində bir sıra yaxşı oyunlar keçirməyi bacarıb. Onlardan biri də ötən həftə “Sumqayıt”a qarşı (1:0) görüş oldu. Müdafiənin sol cinahında çıxış edən Sek təkbətək mübarizələrdən etibarlı çıxa bilmişdi".

Qeyd edək ki, 29 yaşlı müdafiəçi “Neftçi”yə bu yay transfer olunub.