“Beşiktaş” Dzekonu transfer etmək istəyir

“Beşiktaş”ın növbəti transfer hədəfi bəlli olub. Futbolxeber.az-ın məlumatına görə, “Qara qartal” “Mançester Siti”nin hücumçusu Edin Dzekonu heyətinə qatmağı planlaşdırır. “Beşiktaş” rəhbərliyi bosniyalı forvarda Huqo Almeydanın əvəzləyicisi gözü ilə baxır. İstanbul təmsilçisi keçidi Dzekonun meneceri olan İrfan Recepagiçe yaxın olan türk menecelərin vasitəsi ilə reallaşdırmaq istəyir. Dzekonun transfer haqqı 27 milyon avrodur. Amma “Beşiktaş” rəhbərliyi ilk növbədə qiyməti aşağı salmağa çalışır. Əlavə edək ki, Dzekonun illik məvacibi də yüksəl olduğundan (9 milyon avro) keçidin asanlıqla başa gələcəyi real görünmür.