Türkiyənin III liqa klubundan Madrid “Real”ına maraqlı təklif

Türkiyənin III liqa klublarından olan “Tekirovaspor” Madrid “Real”ına maraqlı məktub ünvanlayıb. Futbolxeber.az-ın məlumatına görə, III liqada cari mövsümdə inamlı təsir bağışlayan “Tekirova Belediyespor” “Real”la yoxlama oyunu keçirmək istəyir. Artıq bu məqsədlə Madrid klubuna rəsmi təklif də irəli sürülüb. Klubun fəxri prezidenti Yusuf Üras deyib: “Çempionlar Liqasında Avropadakı qürurumuz “Qalatasaray”la eyni qrupda yer alan “Real”ı qış fasiləsində yoxlama oyunu üçün Tekirovaya dəvət etdik. Dünya nəhəngi olan “Real” bir də bizimlə qarşılaşsın. Qoy, güclü olan qazansın”.