Di Mariya: “Argentina millisinin kapitanı olmaq çox xoşdur”

Argentina millisinin üzvü Anxel Di Mariya Amerika kubokunun qrup mərhələsinin üçüncü turunda Peru üzərində qazanılan 2:0 hesablı qələbəni şərh edib.

Futbolxeber.az saytının məlumatına görə, 36 yaşlı futbolçu komandasının qələbəsi üçün əlindən gələni etdiyini bildirib:

“Turnirdən öncə biz hər şeyi düzgün etdik. Bunun da nəticəsində qrup mərhələsini maksimum nəticə ilə başa vurduq. İndi qarşıdakı matçlara köklənməliyik. Millinin kapitanı olmaq çox xoşdur. Mən hər şeyin ən yaxşısını etməyə çalışıram ki, komandamın sərfəli nəticə qazanmasında pay sahibi olum”.

Qeyd edək ki, Lionel Messinin yoxluğunda komandanı meydana kapitan kimi çıxaran Di Mariya məhsuldar ötürmə ilə yadda qalıb.