Slovakiya millisinin baş məşqçisi: “Bu, böyük qələbədir”

Slovakiya millisinin baş məşqçisi Françesko Kalsona Avro-2024-ün qrup mərhələsinin 1-ci turunda Belçikanı 1:0 hesabı ilə məğlub etdikləri oyun barədə danışıb.

Futbolxeber.az saytının məlumatına görə, 55 yaşlı mütəxəssis bildirib ki, bu, böyük qələbədir:

“Futbolçular mümkün olan hər şeyi etdilər. Onlar bütün güclərini meydanda qoydular və biz əla rəqibi məğlub etdik. Oyundan əvvəl də futbolçularıma bildirmişdim ki, ən yaxşılarla bərabər səviyyədə mübarizə apara bilərik. Bu, böyük qələbədir. Lakin biz çalışmağa davam etməliyik. Artıq növbəti oyunu düşünməliyik. Məqsədimizə çatmaq üçün qarşıdakı matçı da yüksək səviyyədə keçirməliyik”.

Qeyd edək ki, Slovakiya millisi qitə birinciliyindəki növbəti matçını iyunun 21-də Ukraynaya qarşı keçirəcək.