PSJ 18 yaşlı braziliyalını transfer edir

PSJ növbəti transferini reallaşdırır.

Futbolxeber.az saytının məlumatına görə, Paris klubu “Korintians”ın yarımmüdafiəçisi Qabriel Moskardonu heyətinə qatır.

Bu barədə Braziliya klubunun prezidenti Auqusto Melo açıqlama verib: “Mən təsdiqləyə bilərəm ki, biz Moskardonu PSJ-yə satdıq. Bu günlərdə o, əməliyyat olunub. Daha sonra isə Qabriel PSJ-nin düşərgəsinə qoşulacaq”.

Qeyd edək ki, 18 yaşlı futbolçu ötən mövsüm Braziliya çempionatında 37 matçda forma geyib, 1 qol, 1 məhsuldar ötürmə ilə yadda qalıb. İlin sonunda isə ayağından zədə aldığı üçün əməliyyat olunub.