Türkiyədə futbol oyunları nə vaxt bərpa olunacaq?

Türkiyə Futbol Federiyasiyasının prezidenti Mehmet Müyükekşi ölkədə təxirə salınan oyunların bərpa olunma tarixi açıqlayıb.

Futbolxeber.az saytının məlumatına görə, o, İdarə Heyətinin çempionatlarda növbəti turun matçlarının dekabrın 19-dan etibarən keçirilməsini qərara aldığını bildirib.

Qeyd edək ki, Türkiyə Superliqasının 15-ci turunun “Ankaragücü” - “Rizəspor” (1:1) oyunundan sonra ev sahibi klubun  prezidenti Faruk Koca meydana daxil olaraq, baş hakim Halil Umut Meleri yumruqla vurub. Bu səbəbdən Türkiyə Futbol Federasiyası bütün liqaların oyunlarını təxirə salıb.

F.Koca və hakimi vuran digər 2 nəfər həbs olunub. H.U.Meler isə artıq xəstəxanadan evə buraxılıb.