Ronaldo: “Messi ilə rəqabət başa çatdı”

Kriştianu Ronaldo Lionel Messi ilə rəqabətindən danışıb.

Futbolxeber.az saytının məlumatına görə, portuqaliyalı ulduz “Record”a müsahibəsində rəqabətin artıq başa çatdığını bildirib. O, 15 illik mübarizənin futbol tarixini dəyişdiyini qeyd edib:

“Messi ilə rəqabət başa çatdı. Hər şey əla idi, azarkeşlər bundan zövq alırdılar. Ronaldonu sevənlər Messiyə nifrət etməli deyillər, yaxud əksinə. Biz hər ikimiz yaxşı oyunçuyuq və futbolun tarixini dəyişdik. Bütün dünyada bizə hörmət edirlər. Bu, ən əsasıdır. İndi Messi öz yolu ilə gedir, mən də öz yolumla. Biz 15 il dünya futbolu səhnəsini bölüşdük. Dost olduğumuzu söyləyə bilmərəm, amma həmkarıq və bir-birimizə qarşılıqlı hörmətimiz var”.

Qeyd edək ki, 38 yaşlı Ronaldo “Qızıl top”un 5 qat qalibidi. O, həmçinin 5 dəfə Çempionlar Liqası qazanıb. Avropa çempionu, eləcə də UEFA Millətlər Liqasını qalibi olub.