Torres: "Maurinyo insanı motivasiya etməyin yolunu gözəl bilir"

"Çelsi"nin hücumçusu Fernando Torres son vaxtlarda inamlı çıxış etməsinin səbəbini açıqlayıb.Futbolxeber.az-ın məlumatına görə, ispan forvard formasını bərpa etməkdə London klubunun baş məşqçisi Joze Maurinyonun böyük pay sahibi olduğunu qeyd edib: "Digər oyunçular kimi Maurinyo mənimlə də daim söhbət edir. Bilirəm ki, Maurinyo məşqdə özünü yaxşı tərəfdən göstərən futbolçuları sevir. Odur ki, mən də hazırlıqlarda var gücümlə çalışıram. Maurinyo çalışdığı hər klubda böyük uğur qazanıb. Çünki o, insanlarla çalışmağın, onları motivasiya etməyin yolunu çox gözəl bilir. Mənimlə də tez-tez danışır və onun sözlərindən sonra meydanda sona kimi vuruşmamaq qeyri-mümkündü".