FİFA-dan rusların xeyrinə qərar: Moskva klubuna 17,43 milyon avro ödənilməlidi

FİFA Rusiya ÇSKA-sı ilə İngiltərənin “Vest Hem” klubu arasındakı mübahisəli ödəniş məsələsi bağlı qərarını açıqlayıb.

Futbolxeber.az-ın ali futbol qurumunun saytına istinadən verdiyi məlumata görə, FİFA “Vest Hem”in Nikola Vlaşiçin transferi üçün Moskva klubuna 17,43 milyon avro ödəməli olduğu barədə qərar qəbul edib. Halbuki daha əvvəl İngiltərə klubu Rusiyaya qarşı tətbiq olunan sanksiyalara görə pul köçürülməsinin mümkün olmadığını və bunun fors-major hal olduğunu əsas gətirərək sözügedən məbləği ödəməkdən boyun qaçırırdı.

Qərarə əsasən, “Vest Hem” iyulun 31-nə kimi təyin olunan məbləği ödəməsə, kompensasiyanın həcmi 25,65 milyona artacaq. Eləcə də İngiltərə klubuna 3 illik transfer qadağası tətbiq olunacaq.

Qeyd edək ki, Vlaşiç ÇSKA-dan “Vest Hem”ə 2021-ci ilin yayında keçib. 2022/23 mövsümünü xorvat icarə əsasında “Torino”ya keçib.