Xames karyerasını “Boka Xuniors”da davam etdirə bilər

Son olaraq “Olimpiakos”da çıxış edən Xames Rordiges karyerasını Argentinada davam etdirə bilər.

Futbolxeber.az saytının xarici KİV-ə istinadən verdiyi məlumata görə, kolumbiyalı futbolçu “Boka Xuniors”la anlaşmağa yaxındı. Keçid baş tutarsa, Rodriges karyerası ərzində ikinci dəfə Argentinada çıxış edəcək. O, daha əvvəl “Banfild”in uğurları üçün çalışıb.

Apreldə “Olimpiakos”dan ayrılan Xames həmin vaxtdan azad agent statusundadı.

Qeyd edək ki, Xames Rodriges “Banfild”dən başqa, vətənində “Enviqado”, Qətərdə “Əl-Rayan”, eləcə də “Everton”, “Bavariya”, “Real”, “Monako” və “Portu”da da çıxış edib.