“Napoli”dən tarixi uğur

A seriyasının 36-cı turunda “Napoli” öz meydanında “İnter”i 3:1 hesabı ilə məğlub edib.

Futbolxeber.az saytının məlumatına görə, bu nəticə ilə Neapol təmsilçisi tarixi uğura imza atıb. Belə ki, ilk dəfə olaraq “Napoli” 1 mövsüm ərzində çempionatdakı 19 rəqibinin hamısı üzərində qələbə qazanmağı bacarıb.

Xatırladaq ki, “Napoli” sona 5 tur qalmış çempionluğu təmin edib. Cari mövsüm Luçano Spalettinin komandası 36 oyundan 27-də meydanı qələbə ilə tərk edib.