“Salah “Liverpul”un əfsanələrindən hesab olunacaq”

“Liverpul”un müdafiəçisi Vircil van Deyk komanda yoldaşı Məhəmməd Salah barədə danışıb.

Futbolxeber.az saytının məlumatına görə, niderlandlı müdafiəçi Salahın komandası üçün vacib fiqur olduğunu qeyd edib:

“Liverpul”un əksər futbolçuları komandanın böyük uğurlar qazanmasında pay sahibidi. Lakin əminəm ki, Salah klubun əfsanələrindən hesab olunacaq. O, çox vacib oyunçudu. Bəlkə də bu gün üçün etdikləri bir o qədər də nəzərə çarpmır. Amma gələcəkdə onun etdikləri daha yüksək qiymətləndiriləcək. Biz Salahın necə əzmlə çalışdığını, hansı çətinliklərin öhdəsindən gəldiyinin görürük. O, bu ruhda da davam etməlidi”.

Qeyd edək ki, cari mövsüm Salah 44 oyunda 27 qol vurub. Misirli futbolçu vurduğu qolların sayına görə “Liverpul”un Premyer Liqada rekordçusu olub. Eləcə də avrokuboklarda qol sayına görə Stiven Cerrardın nəticəsini təkrarlayıb.