“Arsenal”dan ayrılacağını açıqladı

azırda icarə əsasında “Sautgempton”da forma geyən Eynli Meytlend-Nayls mövsümün sonunda müqavilə ilə məxsus olduğu “Arsenal”dan ayrılacaq.

Futbolxeber.az saytının məlumatına görə, bu barədə ingilis yarımmüdafiəçi özü açıqlama verib.

25 yaşlı futbolçu bildirib ki, karyerasını “Sautgempton”da davam etdirməyə hazırdı: “Bu, böyük səyahət idi. Amma artıq sona yaxınlaşır. “Arsenal”dan ayrılmaq, yeni ev tapmaq və yeni həyata başlamaq zamanıdı. Lakin indi bu barədə düşünmürəm. Hazırda bütün diqqətimi mövsümün sonuna yönəltmişəm. Komandamın qələbəsi üçün əlimdən gələni edəcəm. “Sautgempton” isə istəsə, karyeramı burada davam etdirə bilərəm”.

Qeyd edək ki, “Arsenal”ın yetirməsi olan Meytlend-Nayls London klubunun heyətində meydana çıxdığı 132 oyunda 3 qol vurub.