“Napoli” 13 ildən sonra bunu bacardı

İtaliya A seriyasının 31-ci turunda “Napoli” səfərdə “Yuventus”u məğlub edib - 1:0.

Futbolxeber.az saytının məlumatına görə, bu komandalar arasında ilk dövrədə baş tutan matçda da Neapol təmsilçisi 5:1 hesablı qələbə qazanıb.

Bununla da, “Napoli” 13 ildən sonra ilk dəfə bir mövsüm ərzində hər iki oyunda “Yuventus”u üstələyib. Sonuncu dəfə buna 2009/10 mövsümündə nail olan “Napoli”, 1986/87 və 1957/58-ci illərdə də eyni uğura imza atıb.

Qeyd edək ki, hazırda “Yuventus” 59 xalla turnir cədvəlində üçüncü pillədə qərarlaşıb. “Napoli” isə 78 xalla vahid liderdi. Sona 7 tur qalmış Luçano Spalettinin komandası ən yaxın izləyicisi “İnter”i 17 xal qabaqlayır.