"Azərbaycanlı futbolçular çox danışırlar”

“Dünya çempionatına yollanacağımıza şübhəm yoxdur. Komandada hər kəs bizə hansı nəticənin lazım olduğunu bilir. Hə, azərbaycanlı futbolçular çox danışırlar. Amma danışmaq bir şeydi, bunu meydanda həyata keçirmək tamam başqa bir şey”. Futbolxeber.az-ın məlumatına görə, bu sözləri Rusiya millisinin üzvü İqor Semşov deyib. O, konkret hesab deməkdən də çəkinməyib: “Motivasiya ilə bağlı heç bir problemimiz olmayacaq. Çünki ortada dünya çempionatına vəsiqə var. İstəyimizə çatsaq, həm futbolçular, həm də azarkeşlər üçün əsl bayram olacaq. Oyun zamanı mən də komanda ilə birgə həyəcanlanacağam. Fikrimcə, Azərbaycanı 2:1 hesabı ilə məğlub edəcəyik. Öz meydançasında Azərbaycan hücuma meyl edəcək. Bizim isə hücumda sürətli oyunçularımız var. Onlar boş zonalardan faydalana bilərlər”.