Eriksen məğlubiyyəti şərh etdi

“Mançester Yunayted”in yarımmüdafiəçisi Kristian Eriksen Avroliqanın 1/4 final mərhələsinin cavab oyununda “Sevilya”dan alınan (0:3) məğlubiyyəti şərh edib.

Futbolxeber.az saytının məlumatına görə, danimarkalı futbolçu matçın gedişində çoxlu səhvlərə yol verdiklərini bildirib:

“İlk dəqiqələrdən oyuna köklənə bilmədik və rəqibə xeyli hədiyyələr etdik. Heç cür soyuqqanlı ola bilmədik. İkinci hissədə də vəziyyəti dəyişmək üçün ciddi nəsə etmədik. Təbii ki, rəqibə bu cür hədiyyələr verirsənsə, uduzmağa məhkumsan. Bu gün bizim üçün uğursuz gün idi”.

Qeyd edək ki, iki oyunun nəticəsinə görə “Sevilya”ya 2:5 hesabı ilə uduzan “Mançester Yunayted” Avroliqa ilə vidalaşıb.