“Səbail” yoxlama oyununda 5 qollu qələbə qazandı

Milli komandanın oyunları ilə əlaqədar yaranmış fasilədən istifadə edən “Səbail” yoxlama matçı keçirib.

Futbolxeber.az saytının məlumatına görə, Binə qəsəbə stadionunda baş tutan qarşılaşmada komanda “Şimal” üzərində 5:2 hesablı qələbə qazanıb.

“Səbail”in heyətində Yan Said dubl edib, digər qollara isə Eltun Turabov, Peter Agblevor və Kənan Quliyev imza atıb.

Qeyd edək ki, I Liqada mübarizə aparan “Səbail”in 3 turdan sonra 7 xalı var.