“Leypsiq”in hücumçusu 2 həftəlik sıradan çıxıb

“Leypsiq”in hücumçusu Kristofer Nkunku zədələnib.

Futbolxeber.az saytının məlumatına görə, fransız futbolçu Bundesliqanın 23-cü turunda “Borussiya” ilə matçda (1:2) belindən xəsarət alıb. Müayinədən sonra məlum olub ki, o, 2 həftə meydana çıxa bilməyəcək.

Bu isə deməkdir ki, Nkunku martın 14-də Çempionlar Liqasının 1/8 finalında “Mançester Siti”yə qarşı keçiriləcək matçda meydana çıxa bilməyəcək.

Qeyd edək ki, 25 yaşlı futbolçu cari mövsüm “Leypsiq”in heyətində meydana çıxdığı 27 görüşdə 17 qol vurub.