“Nyukasl” mövsümü “Liverpul” və “Tottenhem”dən öndə bitirəcək”

İngiltərə millisinin keçmiş üzvü Cimmi Karrager Premyer Liqada dördüncü yer uğrunda mübarizədən danışıb.

Futbolxeber.az saytının məlumatına görə, veteran müdafiəçi “Nyukasl”ın “Liverpul” və “Tottenhem”lə müqayisədə daha stabil çıxış etdiyini bildirib:

“Hesab edirəm ki, mövsümü “Nyukasl” “Tottenhem” və “Liverpul”dan öndə başa vuracaq. Həm “Tottenhem”in, həm də “Liverpul”un narahat olmaq üçün kifayət qədər əsası var. Bu kollektivlər stabil çıxış etmirlər. Nəticələr də bunu göstərir. Lakin “Nyukasl”da bunu görmürük. Komanda yaxşı oyun sərgiləməklə nəticə qazanır. Baxmayarq ki, “Siti” ilə matçda onlar öz şanslarından yararlana bilmədilər”.

Qeyd edək ki, hazırda “Nyukasl” 26 oyundan 47 xalla 5-ci pillədə qərarlaşıb. 1 xal artıq toplayan “Tottenhem” turnir cədvəlində dördüncü olsa, “Nyukasl”la müqayisədə 1 matç çox keçirib. “Liverpul” isə 26 oyundan sonra 42 xalla altıncıdı.