Pedri El Klasikoda oynamayacaq

“Barselona”nın üzvü Pedri La Liqanın 26-cı turunda “Real”a qarşı keçiriləcək oyunda iştirak edə bilməyəcək.

Futbolxeber.az saytının sport.es-ə istinadən verdiyi məlumata görə, yarımmüdafiəçi ombasından aldığı zədəsini tam bərpa etməyib. Bu gün o, komanda ilə birgə məşqə qatılsa da, hazırlıq prosesini yarımçıq saxlayıb.

Pedri fevralın 16-da Avroliqanın 1/16 finalında “Mançester Yunayted”lə matçda (2:2) zədələnib.

Qeyd edək ki, cari mövsüm ispan yarımmüdafiəçi “Barselona”nın heyətində meydana çıxdığı 30 matçda 7 qol vurub.