Artetadan yubiley qələbəsi

“Arsenal” İngiltərə Premyer Liqasının 27-ci turunda “Fulhem”i 3:0 hesabı ilə məğlub edib.

Futbolxeber.az saytının məlumatına görə, bu qələbə “topçular”ın baş məşqçisi Mikel Arteta üçün əlamətdar olub. Belə ki, Arteta “Arsenal”ın baş məşqçisi kimi 100-cü qələbəsini qazanıb. 

Qeyd edək ki, ispan mütəxəssisin rəhbərliyi altında London klubu keçirdiyi 167 oyuunda 24 dəfə heç-heçə edib və 43 dəfə uduzub.

Əlavə edək ki, Arteta “Arsenal”ı 2019-cu ilin yayından çalışdırır. Onun rəhbərliyi altında komanda ölkə kubokunu və superkubokunu qazanıb.