Van Deyk: “Mançester Yunayted” əla formadadı”

“Liverpul”un müdafiəçisi Vircil van Deyk İngiltərə Premyer Liqasının 26-cı turunda “Mançester Yunayted”ə qarşı keçirəcəkləri oyun barədə fikirlərini bölüşüb.

Futbolxeber.az saytının “Metro”ya istinadən verdiyi məlumata görə, niderlandlı müdafiəçi rəqibin hazırda yaxşı formada olduğunu bildirib:   

“Bu, bizim üçün vacib oyundu. Komandamızın hər bir üzvü bütün gücünü meydanda qoymalıdı. Eyni sözləri azarkeşlərimiz barədə də deyə bilərəm. Çünki onların dəstəyi oyunumuza çox təsir edir. Qarşılaşmanı səbirsizliklə gözləyirəm. Özümü ən yaxşı tərəfdən göstərmək üçün əlimdən gələni edəcəm. Etiraf etmək lazımdı ki, hazırda yaxşı formada deyilik. “Mançester Yunayted” isə əksinə, ideal vəziyyətdədi”.

Xatırladaq ki, bu gün keçiriləcək “Liverpul” - “Mançester Yunayted” görüşü Bakı vaxtı ilə 20:30-da start götürəcək.