“Bavariya” ilə görüşdə 1 dəqiqə belə dincəlməyə vaxtımız olmayacaq”

PSJ-ni baş məşqçisi Kristof Qaltye Çempionlar Liqasının 1/8 finalın cavab oyunu çərçivəsində “Bavariya”ya qarşı keçiriləcək matçdan danışıb.

Futbolxeber.az saytının məlumatına görə, fransız mütəxəssis bildirib ki, komandası qarşıdakı görüşdə bütün gücünü meyanda qoymalıdı:

“Artıq ikinci dəfədir ki, biz 2 top fərqi ilə üstünlüyü əldən veririk. Bu da məni narahat edir. “Bavariya” ilə görüşdə 1 dəqiqə belə dincəlməyə vaxtımız olmayacaq. Biz ürəyimizlə, istəklə, bütün gücümüzü meydanda qoymalıyıq. Bir anlıq boşalsaq, yaxud diqqətsizliyə yol versək, rəqib bunu bağışlamayacaq. Uğur qazanmaq istəyiriksə, səhvə yol verməməliyik”.

Xatırladaq ki, PSJ ilk matçda öz meydanında “Bavariya”ya 0:1 hesabı ilə uduzub. Tərəflər arasında Münhendə baş tutacaq cavab görüşü martın 8-də keçiriləcək.