“Qarabağ”ı qiymətləndirməmək olmaz”

"Gent"in kapitanı Sven Kums Konfrans Liqasının pley-offunda "Qarabağ"la ilk oyun öncəsi fikirlərini bildirib.

Futbolxeber.az saytının Belçika mətbuatına istinadən verdiyi məlumata görə, o, Ağdam təmsilçisi haqda müsbət fikirlər səsləndirib:

“Qarabağ”ın nəticələri yaxşıdır, bu, dəqiqdir. Onların Çempionlar Liqasında qrup mərhələsinə çatmağa çox yaxın olduğunu unutmayaq. Rəqib turnirin pley-off  mərhələsində uduzdu, sonra isə Avropa Liqasında 8 xal topladı. Onları məğlub etmək çətin işdir. “Qarabağ”ı qiymətləndirməmək olmaz”.

Qeyd edək ki, bu gün Tofiq Bəhramov adına Respublika stadionunda keçiriləcək "Qarabağ" - "Gent" görüşü saat 21:45-də başlayacaq.