“Dinamo”dan qələbə

Azərbaycan millisinin hücumçusu Mahir Emrelinin çıxış etdiyi “Dinamo” bu gün Xorvatiya çempionatında növbəti oyuna çıxıb.

Futbolxeber.az saytının məlumatına görə, Zaqreb təmsilçisi 20-ci turda “İstra 1961”i qəbul edib.

Oyun "Dinamo"nun 1:0 hesablı qələbsi ilə başa çatıb. Görüşdəki yeganə qolu 37-ci dəqiqədə Stefan Ristovski vurub.

Emreli bu oyunda meydana çıxmayıb. O, sona kimi görüşü ehtiyat oyunçular skamyasından izləyib.

Qeyd edək ki, 20 oyundan 49 xalı olan “Dinamo” birinci yeri tutur.

Xatırladaq ki, Emreli bu mövsüm Xorvatiya çempionatında 10 oyunda meydana çıxıb, 3 qol vurub.